ଏକ ପେଡ଼ ମା’ କେ ନାମରେ ଅବଲମ୍ବିତ ବୃକ୍ଷରୋପଣ କାର୍ଯ୍ୟକ୍ରମ କେନ୍ଦ୍ରୀୟ ବିଦ୍ୟାଳୟ ପ୍ରାଙ୍ଗଣରେ ଆୟୋଜିତ
ମାଲକାନଗିରି: କେନ୍ଦ୍ରୀୟ ବିଦ୍ୟାଳୟ, ମାଲକାନଗିରିରେ “ଏକ ପେଡ଼ ମା’ କେ ନାମ” ଶୀର୍ଷକରେ ବୃକ୍ଷରୋପଣ କାର୍ଯ୍ୟକ୍ରମ ଉଦ୍ଯାପିତ ହେଲା। ଏହି ପବିତ୍ର ଅବସରରେ ବିଦ୍ୟାଳୟର ଗରିମାମୟ ପ୍ରଧାନଶିକ୍ଷକ ଡ଼ଃ କୈଲାଶ ମୀଣା ଓ ମୁଖ୍ୟ ଅତିଥି ଡ଼ଃ ରଞ୍ଜନ କୁମାର ସ୍ୱାଇଁ ବୃକ୍ଷରୋପଣ କରି କାର୍ଯ୍ୟକ୍ରମର ଶୁଭାରମ୍ଭ କଲେ। ବିଦ୍ୟାଳୟ ରେ 50 ରୁ ଉର୍ଦ୍ଧ୍ଵ ଫଳ ଏବଂ ଔଷଧୀୟ ଚାରା ପ୍ରତିରୋପଣ କରାଯାଇଥିଲା l
ଏହି କାର୍ଯ୍ୟକ୍ରମରେ ବିଦ୍ୟାଳୟ ର ଜାତୀୟ ସମର ଶିକ୍ଷାର୍ଥୀ ବାହିନୀ (ପଦାତିକ) ଓ ଏହାର ଦାୟିତ୍ୱ ରତ ଶିକ୍ଷକ ଶ୍ରୀ ବିଶାଳ ତିୱାରୀ ମହତ୍ତ୍ୱପୂର୍ଣ୍ଣ ଭୂମିକା ନିଭାଇଥିଲେ। ବିଦ୍ୟାଳୟର ଶିକ୍ଷକ ଶ୍ରୀ ରାମବୀର ସିଂହ ଓ ଶ୍ରୀ ଅଶିଷ କୁମାର ମଧ୍ୟ ଏହି କାର୍ଯ୍ୟକ୍ରମରେ ସକ୍ରିୟ ଭାଗଗ୍ରହଣ କରିଥିଲେ। ବିଦ୍ୟାଳୟ ର 60 ରୁ ଉର୍ଦ୍ଧ୍ଵ ଛାତ୍ରଛାତ୍ରୀ ଏଥିରେ ଅଂଶ ଗ୍ରହଣ କରିଥିଲେ l
ପରିବେଶ ସୁରକ୍ଷା, ପ୍ରକୃତି ସମ୍ରକ୍ଷଣ ଓ ମା’ଙ୍କ ପ୍ରତି ସମ୍ମାନ ଜଣାଇବା ଉଦ୍ଦେଶ୍ୟରେ ଏହି ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ଅନେକ ଛାତ୍ରଛାତ୍ରୀ ଓ କର୍ମଚାରୀ ମଧ୍ୟ ଅନୁପ୍ରେରିତ ହୋଇଥିଲେ।
