କୋରାପୁଟ : କୋରାପୁଟ ଜିଲ୍ଲା ଜୟପୁର ସ୍ଥିତ ଅନ୍ତା ପଞ୍ଚାୟତ ସ୍ଥିତ ଅନ୍ତା ଉନ୍ନୀତ ଉଚ୍ଚ ବିଦ୍ୟାଳୟର ବିଶିଷ୍ଟ ଶିକ୍ଷକ ହରିହର ପଟ୍ଟନାୟକ ପାଇଲେ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାର l ଆଜି ଗୁରୁଦିବସ ଅବସରରେ କୋରାପୁଟ ସଦଭାବନା ଗୃହରେ ଜିଲ୍ଲାପାଳ ମନୋଜ ସତ୍ୟବାନ ମହାଜନଙ୍କ ଠାରୁ ପୁରସ୍କାର ଗ୍ରହଣ କରିଛନ୍ତି l ଏଥିରେ ବିଧାୟକ ପବିତ୍ର ସାଉଁନ୍ତା, କୋରାପୁଟ ବିଧାୟକ ରଘୁରାମ ମାଛ, ଜିଲ୍ଲା ଶିକ୍ଷା ଅଧିକାରୀ ଡ଼. ପ୍ରଶାନ୍ତ ମହାନ୍ତି, ଡି ଆଇଇଟି ଅଧ୍ୟକ୍ଷ ରୂପଚାନ୍ଦ ସୋରେନ ପ୍ରମୁଖ ଅତିଥି ଉପସ୍ଥିତ ଥିଲେ l ଉପାନ୍ତ ଅଞ୍ଚଳରେ ଶିକ୍ଷାର ବିକାଶ ପାଇଁ ନିରନ୍ତର ପ୍ରଚେଷ୍ଟା ଜାରି ରଖିବାରେ ଶ୍ରୀ ପଟ୍ଟନାୟକଙ୍କ ଉଲ୍ଲେଖନୀୟ ଅବଦାନ ପାଇଁ ପୁରସ୍କୃତ ହୋଇଥିଲେ l ଏହି ସଫଳତାରେ ଯୁବ ଅଧ୍ୟାପକ ତ୍ରିନାଥ ପଟ୍ଟନାୟକଙ୍କ ସମେତ ଜୟପୁର ବ୍ଲକ ତଥା କୋରାପୁଟ ଜିଲ୍ଲାର ବୁଦ୍ଧିଜୀବୀ, ଶିକ୍ଷକଶିକ୍ଷୟିତ୍ରୀ, ଛାତ୍ରଛାତ୍ରୀ ଶୁଭେଚ୍ଛା ଜଣାଇଅଛନ୍ତି l
