ସଂଯୁକ୍ତ ରାଷ୍ଟ୍ର ସମୂହ ବା ୟୁ.ଏ.ଇ ଥିବା ଓଡିଶା ସମାଜ ପକ୍ଷରୁ ଉତ୍କଳ ଦିବସ ମହାସମାରୋହରେ ପାଳନ ହୋଇଯାଇଛି । ଦୁବାଇ ରେ ଅନୁଷ୍ଠିତ ହୋଇଥିବା ମୁଖ୍ୟଉତ୍ସବରେ ଶତାଧିକ ଓଡିଆ ପରିବାର ସାମିଲ ହୋଇଥିଲେ । କାର୍ଯ୍ୟକ୍ରମର ମୁଖ୍ୟ ଉତ୍ସବରେ ଶତାଧିକ ଓଡିଆ ପରିବାର ସାମିଲ ହୋଇଥିଲେ । କାର୍ଯ୍ୟକ୍ରମର ଆରମ୍ଭରେ କୁନିକୁନି କଳାକାରଙ୍କ ଦ୍ଵାରା “ବନ୍ଦେ ଉତ୍କଳ ଜନନୀ”ପରିବେଷଣ କରାଯାଇଥିଲା । ପରେ ମଙ୍ଗଳାଚରଣ ଓ ଓଡିସି ଭଜନ ପରିବେଷିତ ହୋଇଥିଲା ।
ଦୀର୍ଘଦିନ ଧରି ଓଡିଶାରଉ ଦୂରରେ ରହୁଥିବା ଓଡିଆମାନେ ଏହାକୁ ମନଭରି ଉପଭୋଗ କରିଥିଲେ । ଏହି ଅବସରରେ ପ୍ରବାସୀ ଓଡିଆ କଳାକାରମାନଙ୍କ ଦ୍ଵାରା ମଡର୍ଣ୍ଣ ଡ୍ୟାନ୍ସ ଓ ପୁରୁଣା ଓଡିଆ ଚଳଚ୍ଚିତ୍ର ସଂଗୀତ ପରିବେଷଣ କରାଯାଇଥିଲା । ସେହିପରି ଦାଶକାଠିଆ ଉତ୍କଳ ଦିବସ ସମାରୋହକୁ ଆହୁରି ଓଡିଆ କରିଦେଇଥିଲା । କାର୍ଯ୍ୟକ୍ରମରେ ଯୁଏଇ ରେ ଥିବା ଭାରତୀୟ ଦୂତାଭାସ ର ବରିଷ୍ଠ ଅଧିକାରୀମାନେ ଯୋଗଦେଇଥିଲେ । ଯୁବପିଢୀକୁ ନିଜ ସଂସ୍କୃତିସହ ବାନ୍ଧିରଖିବାର ଏହା ଏକ ପ୍ରୟାସ ବୋଲି ଆୟୋଜକ କହିଛନ୍ତି ।
ଏହି ଅବସରରେ ଛୋଟ ପିଲାଙ୍କ ମଧ୍ୟରେ “ଓଡିଶାର ଗ୍ରାମ୍ୟ ଜୀବନ”ଶୀର୍ଷକ ଏକ ଚିତ୍ରାଙ୍କନ ପ୍ରତିଯୋଗୀତା ର ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମ ମାଧ୍ୟମରେ ଅନେକ ଓଡିଆ ପରିବାର ଏକାଠି ହୋଇପାରିଛନ୍ତି ବୋଲି ସମାଜ ପକ୍ଷରୁ ସୂଚନା ଦିଆଯାଇଛି । ସମାଜ ପକ୍ଷରୁ ଏହା ଚତୁର୍ଥ ଥର ପାଇଁ ଉତ୍କଳ ଦିବସ ସମାରୋହର ଆୟୋଜନ କରାଯାଇଛି ।