ବାଲିକୁଦା-ଏରସମା ନିର୍ବାଚନ ମଣ୍ଡଳୀ ଉନ୍ନୟନ କମିଟିର ବୈଠକ , ନ୍ୟାର୍ଯ୍ୟ ଦାବିରୁ ସାଧାରଣ ଲୋକ ବଞ୍ଚିତ ନହେବା ଉଚିତ୍‌ : ରଘୁନନ୍ଦନ ଦାସ

Advertisement
Advertisement
Click for Any Complaint Regarding This News
AAA Online Services

ଜଗତସିଂହପୁର:(ରମେଶ ମହାନ୍ତି):-ବାଲିକୁଦା-ଏରସମା ବିଧାନସଭା ନିର୍ବାଚନ ମଣ୍ଡଳୀ ଉନ୍ନୟନ କମିଟିର ଏକ ବୈଠକ ଜିଲ୍ଲାପାଳଙ୍କ ସଦଭାବନା ସଭାଗୃହରେ ବୁଧବାର ଦିନ ଅନୁଷ୍ଠିତ ହୋଇଯାଇଛି । ଜଳସଂପଦ,ସୂଚନା ଓ ଲୋକ ସଂପର୍କ ମନ୍ତ୍ରୀ ରଘୁନନ୍ଦନ ଦାସ ଏହି ବୈଠକରେ ଅଧ୍ୟକ୍ଷତା କରିଥିଲେ । ନ୍ୟାର୍ଯ୍ୟ ଦାବିରୁ ସାଧାରଣ ଲୋକ ବଞ୍ଚିତ ନହେବା ଉଚିତ୍‌ ବୋଲି ମନ୍ତ୍ରୀ ମତ ଦେଇଥିଲେ । ସରକାରୀ ଯୋଜନାରେ କୌଣସି ଲୋକ ଯେପରି ନିଜର ଅଧିକାର ନ ହରାନ୍ତି ତାକୁ ନେଇ ସରକାର ତତ୍ପର ଅଛନ୍ତି ବୋଲି ଶ୍ରୀ ଦାସ ମତ ଦେଇଥିଲେ ।ଏହି ବୈଠକରେ ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ଯୋଗଦେଇ ୫୫ ନମ୍ବର ଜାତୀୟ ରାଜପଥର ଅଗ୍ରଗତି ସମ୍ପର୍କରେ ପ୍ରକାଶ କରିଥିଲେ । ଏହି ବୈଠକରେ ପ୍ରଧାନମନ୍ତ୍ରୀ ଆବାସ ଯୋଜନାର ଅଗ୍ରଗତି,ଏରସମାରେ ଜଙ୍ଗଲ କିସମ ଜମିରେ ରହୁଥିବା ଲୋକମାନଙ୍କର ସମସ୍ୟା, ମହାତ୍ମାଗାନ୍ଧୀ ନିଶ୍ଚିତ କର୍ମନିଯୁକ୍ତି ଯୋଜନା, ଫନୀ କ୍ଷୟକ୍ଷତି କ୍ଷତିପୁରଣ, ଅଙ୍ଗନବାଡୀ କେନ୍ଦ୍ର ନିର୍ମାଣ, ଆମଗାଁ ଆମବିକାଶ, ଓଡିଶା ଜୀବିକା ମିଶନ ମାଧ୍ୟମରେ ସ୍ୱୟଂ ସହାୟକ ଗୋଷ୍ଠୀ ସଶକ୍ତିକରଣ, ଡିଡିୟୁ ଜିକେ ଓାଇ, ପାନୀୟ ଜଳଯୋଗାଣ, ପାଇପ୍ ଓାଟର ସପ୍ଲାଏ ପ୍ରୋଜେକ୍ଟ ପ୍ରଧାନମନ୍ତ୍ରୀ ଗ୍ରାମ ସଡକ ଯୋଜନା ଓ ଏହାର ମରାମତି, କଂକ୍ରିଟ୍ ରୋଡ୍‌, ଆଦର୍ଶ ବିଦ୍ୟାଳୟ ଓ ପ୍ରାଣୀ ଚିକିତ୍ସାଳୟ ନିର୍ମାଣ, କଣିଆ ଠାରୁ ମାଛଗାଁ ରାସ୍ତା ନିର୍ମାଣ, ଜଳ ସଂପଦ ବିଭାଗର ପ୍ରକଳ୍ପ ଅଗ୍ରଗତି, ଡ୍ରେନେଜ୍ ବିଭାଗର ପ୍ରକଳ୍ପ ଅଗ୍ରଗତି, ସାଧାରଣ ବଣନ, ଜିଲ୍ଲାରେ ମିଲର ସମସ୍ୟାର ସମାଧାନ, ପାଣି ପଂଚାୟତ, ରେସନ୍ କାର୍ଡ, ବିଦ୍ୟାଳୟ ଓ ଗଣଶିକ୍ଷା, ସମସ୍ତ ବିଦ୍ୟାଳୟରେ ବାଳିକା ମାନଙ୍କ ନିମନ୍ତେ ଶୈାଚାଳୟ ନିର୍ମାଣ, ଧାନମଣ୍ଡି, ହାର୍ଭେଷ୍ଟର, ବାଲିକୁଦା ଏମ୍‌.ସି.ଏଚ୍ ବିଲିଡିଙ୍ଗର ମରାମତି,ସ୍ୱାସ୍ଥ୍ୟ ବିଭାଗ କ୍ୱାର୍ଟର ନିର୍ମାଣ,ସଏଲ ହେଲ୍‌ଥ କାର୍ଡ ସଂପର୍କରେ ପୁଙ୍ଖାନୁପୁଙ୍ଖ ଆଲୋଚନା ହୋଇଥିଲା । ଅନ୍ୟମାନଙ୍କ ମଧ୍ୟରେ ଜିଲ୍ଲାପରିଷଦ ସଭାପତି ପ୍ରିୟଦର୍ଶିନୀ ବିଶ୍ୱାଳ, ଉପ ସଭାପତି ଲିଙ୍ଗରାଜ ସ୍ୱାଇଁ, ଏରସମା ବ୍ଲକ ଚେୟାରମ୍ୟାନ ପ୍ରଣବ ସ୍ୱାଇଁ, ବାଲିକୁଦା ବ୍ଲକ ଅଧ୍ୟକ୍ଷା ମଧୁସ୍ମିତା ସାହୁ, ଜିଲ୍ଲା ପରିଷଦ ସଭ୍ୟସଭ୍ୟା,ଅତିରିକ୍ତ ଆରକ୍ଷୀ ଅଧିକ୍ଷକ ବିଶ୍ୱନାଥ ମିଶ୍ର ପ୍ରମୁଖ ଯୋଗ ଦେଇଥିଲେ ।ଶେଷରେ ଧନ୍ୟବାଦ ଅର୍ପଣ କରିଥିଲେ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ସରୋଜକାନ୍ତ ମହାନ୍ତି ।

Please Share

Leave a Reply

Your email address will not be published. Required fields are marked *