ମାଲକାନଗିରି : ମାଲକାନଗିରି ସଦରମହକୁମା ସ୍ଥିତ ଆରଏମସି ପ୍ରଙ୍ଗଣରେ ୨୦୨୦/୨୧ ଆର୍ଥିକ ବର୍ଷ ପାଇଁ ଧାନ ମଣ୍ଡି ଜିଲ୍ଲାପାଳ ୱାଇ ବିଜୟଙ୍କ ଦ୍ବାରା ଶୁଭାରମ୍ଭ କରାଯାଇଛି । ଏହି ପରିପ୍ରେକ୍ଷୀରେ ଜିଲ୍ଲାପାଳ ୱାଇ ବିଜୟ କହିଲେ ଯେ ଧାନ କ୍ରୟ ପାଇଁ ପ୍ରତ୍ଯେକ ମଣ୍ଡିରେ ସ୍ବଛତା ଅଣାଯିବ । ଯେଉଁ ଧାନ ମଣ୍ଡିଗୁଡିକରେ ବିଦ୍ଯୁତ ସଂଯୋଗ ରହିହିଛି,ସେଠାରେ ସିସିଟିଭିର ବ୍ଯବସ୍ଥା କରାଯିବ । ଯେଉଁ ମଣ୍ଡିଗୁଡିକରେ ବିଦ୍ଯୁତ ନୈହିଁ ,ସେଠାରେ ଭିଡିଓ ଦ୍ବାରା ଚିତ୍ର ଉତ୍ତୋଳନ କରାଯିବ । ଫଳରେ ପ୍ରତ୍ଯେକ ଧାନ ମଣ୍ଡିଗୁଡିକରେ ଦଲାଲ ମୁକ୍ତ ହୋଇ ପାରିବ । ଚଳିତ ଖରଫ ଋତୁ ପାଇଁ ମାଲକାନଗିରି ଜିଲ୍ଲାରେ ୭୫୫ ହଜାର କ୍ବାଣ୍ଟାଲ ଧାନ ଲ୍ଯାମ୍ପ ମାଧ୍ଯମରେ କ୍ରୟ କରାଯିବ । କ୍ବଣ୍ଟାଲ ପ୍ରତି ଧାନର ନିର୍ଦ୍ଧାରିତ ମୂଲ୍ଯ ଏଫଏକ୍ଯୁ (ସାଧାରଣ) ୧୮୬୮/-ଟଙ୍କା ହୋଇଥିବା ବେଳେ ଗ୍ରେଡ ଏ ଧାନର ମୂଲ୍ଯ ୧୮୮୮/-ଟଙ୍କା ଧାର୍ଯ୍ଯ କରାଯାଇଛି । ମାଲକାନଗିରି ଜିଲ୍ଲାରେ ଧାନ କ୍ରୟ ଲାଗି ୬୫ ଗୋଟି ଧାନ ମଣ୍ଡି ଖୋଲା ଯାଇଥିବା ବେଳେ ୨୪ ଗୋଟି ମିଲର୍ ଧାନ ସଂଗ୍ରହ କରିବା ପାଇଁ ଚୁକ୍ତିନାମା କରିଛନ୍ତି । ପ୍ରଥମ ଥର ଲାଗି ମାଲକାଗିରି ଜିଲ୍ଲାପାଳ ଧାନ ମଣ୍ଡିରୁ ଧାନ ପରିବହନ ଲାଗି କିଛି ଯୁବକମାନଙ୍କୁ ନିଯୁକ୍ତି ଦେବେ ବୋଲି ତାଙ୍କ ବକ୍ତବ୍ଯରେ ପ୍ରକାଶ କରିଥିଲେ । ଚଳିତ ବର୍ଷ ପାଇଁ ଜିଲ୍ଲାରେ ୩୪ ହଜାର ୭ ଶହ ଚାଷୀ ଲ୍ଯାମ୍ପରେ ସେମାନଙ୍କ ନାମ ପଞ୍ଜିକରଣ କରିଥିବା ସୂଚନା ମିଳିଛି । ଯେଉଁ ଚାଷୀମାନଙ୍କୁ ଟୋକେନ ମିଳିବ ସେହି ଚାଷୀ ହିଁ ମଣ୍ଡିକୁ ଧାନ ଆଣିବ, ନତୁବା ମଣ୍ଡି ଭିତରକୁ ବିନା ଟୋକେନରେ ଚାଷୀ ପ୍ରବେଶ କରିପାରିବ ନାହିଁ ବୋଲି ଜିଲ୍ଲାପାଳ ପ୍ରକାଶ କରିଥିଲେ ।
ଜଣେ ଚାଷୀ ଦିନକୁ ୪୦ କ୍ବିଣ୍ଟାଲ ଧାନ ବିକ୍ରୟ କରିବା ପାଇଁ ଅନିମତି ପ୍ରଦାନ କରାଯାଇଛି । ଏହି ଶୁଭ ଉଦ୍ଘାଟନୀ ଉତ୍ସବରେ ଅନ୍ଯମାନଙ୍କ ମଧ୍ଯରେ ଆରଏମସି ଅଧ୍ଯକ୍ଷ ରାମେଶ୍ବର ପ୍ରଧାନ, ଜିଲ୍ଲା ଯୋଗାଣ ଅଧିକାରୀ ଅଜୟ କୁମାର ରଥ, ଏସିଏସଓ ମନୋଜ ପୋଧାନ, ଏଆରସିଏସ୍ ପ୍ରମୋଦ କୁମାର ରାଉତ ପ୍ରମୁଖ ମଞ୍ଚାସୀନ ଥିଲେ । ଏହା ସହ ଆରଏମସି ସଂପାଦକ ଗୁରୁ ଚରଣ ନାୟକ ଏବଂ ସଂପୃକ୍ତ କର୍ମଚାରୀମାନେ କାର୍ଯ୍ଯକ୍ରମକୁ ସଫଳ ରୂପାୟନ କରିଥିଲେ । ଉକ୍ତ କାର୍ଯ୍ଯକ୍ରମରେ ଚାଷୀ ଏବଂ ମିଲରମାନେ ଉପସ୍ଥିତ ଥିଲେ । (ରିପୋର୍ଟ:ବରିଷ୍ଠ ସାମ୍ବାଦିକ କେଶବ ଚନ୍ଦ୍ର ନାୟକ,ମାଲକାନଗିରି)