ରାଜଗାଙ୍ଗପୁର ଠାରୁ ମାତ୍ର ୫ କିମି ଦୂର ରାଜ୍ୟ ରାଜପଥ କୁ ଲାଗି ଏକ ଛୋଟ ଗ୍ରାମ ବରପାଲି ଏହାକୁ ଘେରି ରହିଛି ଛୋଟବଡ଼ ବହୁ ନାମିଦାମୀ କଳକାରଖାନା ମାତ୍ର ଏଠାକାର ଲୋକଙ୍କ ସମସ୍ୟା କହିଲେ ନ ସରେ ।
ଅନେକ ବଡ ବଡ ନାମୀ ଦାମୀ କମ୍ପାନୀ ଏହି ଅଞ୍ଚଳ ରେ ରହିଥିଲେ ମଧ୍ୟ ଏହି ଗ୍ରାମର ସମସ୍ୟା ବିଷୟରେ କେହି ଅବଗତ ହୋଉ ନଥିବା ପରିଲକ୍ଷିତ ହୋଇଛି । ରାସ୍ତା ଘାଟ, ପିଇବା ପାଣି, ସ୍ୟାସ୍ଥଗତ ,ବେକାରୀ ମୁଖ୍ୟ ସମସ୍ୟା ବୋଲି ଏଠାକାର ଲୋକଙ୍କ ର ଅଭିଯୋଗ।
ଗ୍ରାମବାସୀ ଦାବି କରିଥିଲେ ଯେ ଭୋଟ ବେଳେ ସମସ୍ତେ ଆସି ସମସ୍ୟାର ସମାଧାନ ଦିଗରେ ପଦକ୍ଷେପ ଗ୍ରହଣ କରିବେ ବୋଲି ପ୍ରତିଶ୍ରୁତି ଦେଇଛନ୍ତି । ମାତ୍ର ଭୋଟ ସରିଲା ପରେ ଆଉ କେହି ଦେଖା ଦିଅନ୍ତି ନାହିଁ, ଗ୍ରାମର ଚାରି ପାଖରେ କାରଖାନାର କଳା ଧୁଳି ସମଗ୍ର ଗ୍ରାମକୁ ଆଚ୍ଛାଦିତ କରେ , କଳ କାରଖାନା ରୁ ଆସୁଥିବା ଶବ୍ଦ ଏଠାକାର ସାଧାରଣ ଜଣ ଜୀବନକୁ ବିଶେଷ ଭାବେ ପ୍ରଭାବିତ କରେ , ଶବ୍ଦ ଓ ବାୟୁ ପ୍ରଦୂଷଣ ଯୋଗୁଁ ସାଧାରଣ ଗ୍ରାମବାସୀ ଙ୍କ ଜୀବନ ଅତିଷ୍ଟ ହୋଇଯାଇଛି ବୋଲି ସେମାନେ ଅଭିଯୋଗ କରିଛନ୍ତି ।
ତେଣୁ ଉଚ୍ଚ କର୍ତ୍ତୃପକଷ ଏହା ଉପରେ ଦୃଷ୍ଟି ଦେବାକୁ ଗ୍ରାମ ବାସିନ୍ଦା ଆକୁଳ ନିବେଦନ କରିଛନ୍ତି ।ସୁନ୍ଦରଗଡ ଜିଲ୍ଲା ରାଜଗାଙ୍ଗପୁର ରୁ ଦେବବ୍ରତ ମିତ୍ରଙ୍କ ରିପୋର୍ଟ।