ଦୀର୍ଘଦିନ ରୁ ଗରିବ ଉଠା ବେପାରୀ ମାନେ ରାଜଗାଙ୍ଗପୁର ରାସ୍ତା କଡ଼ରେ ଏଣେତେଣେ ବସି ବ୍ୟାବସାୟୀ କରୁଥିଲେ । ନିଜର କୌଣସି ସ୍ଥାୟୀ ବ୍ୟବସ୍ଥା ନଥିବା ଯୋଗୁଁ ସେମାନେ ଖରା,ବର୍ଷା, ଶିତରେ ବହୁତ ହଇରାଣ ହେଉଥିଲେ । ଏହା ସହ ଉଠା ଦୋକାନୀ ମାନେ ଏଣେତେଣେ ବସିବା ଯୋଗୁଁ ବାରମ୍ବାର ଟ୍ରାଫିକ ସମସ୍ୟା ସୃଷ୍ଟି ହେଉଥିଲା ଏହାକୁ ନେଇ ବାରମ୍ବାର ଅଭିଯୋଗ କରିଥିଲେ ସ୍ଥାନୀୟ ଜନସାଧାରଣ ଏବଂ ସହରର ବରଷ୍ଠ ନାଗରିକ ଓ ବୁଦ୍ଧିଜୀବି ।
ତେବେ ପରିଶେଷରେ ପୈରପାଳିକା ଅଧିକାରୀ ଉକ୍ତ ସମସ୍ୟକୁ ଗୁରୁତ୍ୱପୂର୍ଣ୍ଣ ମନେ କରି ପୈରପାଳିକା କାର୍ଯ୍ୟାଳୟ ପକ୍ଷରୁ ଉକ୍ତ ଉଠା ଦୋକାନୀ ଏବଂ ପରିବା ବେପାରୀଙ୍କୁ ସହରର ସାପ୍ତାହିକ ହାଟରେ ସେମାନଙ୍କ ବେପାର କରିବାକୁ ଅନୁମତି ଦେଇଥିଲେ ।
ଏଥି ନିମନ୍ତେ ବେପାରୀ ମାନେ ଅତ୍ୟନ୍ତ ଖୁସି ବୋଲି ପ୍ରକାଶ କରିଛନ୍ତି । ଏଠାରେ ସୂଚନାଯୋଗ୍ୟ ଯେ ସାପ୍ତାହିକ ହାଟରେ ସମ୍ପୂର୍ଣ୍ଣ ସେଡ ଥିବାରୁ ଏବେ ଦୋକାନୀ ମାନେ ଖରା, ବର୍ଷାରୁ ରକ୍ଷା ପାଇପାରିବେ । ଏହି ଖବର ପାଇଲା ପରେ ଉଠା ଦୋକାନୀ ଓ ଛୋଟ ବେପାରୀ ମାନେ ବହୁତ ଖୁସି ।
ତେବେ ବେପାରୀ ମାନେ ଗୋଟିଏ ଯାଗାରେ ବସିବା ଯୋଗୁଁ ଗ୍ରାହକ ମାନଙ୍କୁ ଆଉ ଆଗ ଭଳି ଏଣେ ତେଣେ ବୁଲିବାକୁ ପଡ଼ିବ ନାହିଁ ଗୋଟିଏ ଯାଗାରେ ସବୁ ଜିନିଷ ମିଳିପାରିବ ସେଥିପାଇଁ ସାଧାରଣ ଲୋକ ମଧ୍ୟ ଖୁସି । ଏହି ନିଷ୍ପତ୍ତି କୁ ସହରବାସି ସ୍ୱାଗତ କରିଥିଲେ। ସୁନ୍ଦରଗଡ ଜିଲ୍ଲା ରାଜଗାଙ୍ଗପୁର ରୁ ଦେବବ୍ରତ ମିତ୍ରଙ୍କ ରିପୋର୍ଟ।