କୋଭିଡ୍ ପ୍ରତିଷେଧକ ଟୀକା ପାଇଁ ସାରା ବିଶ୍ୱ ଚାତକ ଭଳି ଚାହିଁ ରହିଥିବା ସମୟରେ ପିଫାଇଜର ନାମକ ଏକ ବିଶ୍ଵ ବିଖ୍ୟାତ ଔଷଧ ନିର୍ମାତା କମ୍ପାନୀ କୋଭିଡ୍ ପ୍ରତିଷେଧକ ଟୀକା ସମ୍ବନ୍ଧିତ ଏକ ଭଲ ଖବର ଦେଇଛି । ପିଫାଇଜର ଓ ବାଇଓ-ଏନ-ଟେକ୍ ନାମକ ଦୁଇଟି କମ୍ପାନୀର ମିଳିତ ଭାବେ ପ୍ରସ୍ତୁତ ଟୀକା କରୋନା ରୋକିବାରେ ୯୦ ପ୍ରତିଶତ ପ୍ରଭାବି ହେବା ନେଇ ନିର୍ମାତାଙ୍କ ପକ୍ଷରୁ ଦାବି କରାଯାଇଛି ।
ତେବେ ଏଠାରେ ଉଲ୍ଲେଖଯୋଗ୍ୟ ଯେ ଏହି ଟୀକା ଏବେ ତୃତୀୟ ପର୍ଯ୍ୟାୟ ପରୀକ୍ଷଣ ଦେଇ ଗତି କରୁଅଛି । ତୃତୀୟ ପର୍ଯ୍ୟାୟ ମାନବ ପରୀକ୍ଷଣରୁ ଏହି ତଥ୍ୟ ସାମନାକୁ ଆସିଥିବା କମ୍ପାନୀ ପକ୍ଷରୁ କୁହାଯାଇଛି ।ତେବେ ତୃତୀୟ ପର୍ଯ୍ୟାୟ ମାନବ ପରୀକ୍ଷଣରେ ଏହା କେତେ ମାତ୍ରାରେ ପ୍ରଭାବି ହେବ ସେ ନେଇ ଚିତ୍ର ସ୍ପଷ୍ଟ ହୋଇଛି ବୋଲି ପି – ଫାଇଜରର ସିଇଓ ଆଲବର୍ଟ କହିଛନ୍ତି ଏଥିସହ ଖୁବ୍ ଶୀଘ୍ର ବିଶ୍ୱରେ ଦେଖା ଦେଇଥିବା ସ୍ୱାସ୍ଥ୍ୟ ସମସ୍ୟାକୁ ଶେଷ କରିବାରେ ନିକଟତର ହେବେ ବୋଲି ଆଶା ପ୍ରକଟ କରିଛନ୍ତି । ଏହି କମ୍ପାନୀ ୨୦୨୦ରେ ୫୦ ମିଲିୟନ ଡୋଜ୍ ଓ ୨୦୨୧ରେ ୧.୩ ବିଲିୟନ ଡୋଜ୍ ଯୋଗାଇ ପାରିବ ବୋଲି ସେ ଆକଳନ କରିଛନ୍ତି ।