ବରଗଡ଼ : ରାଜ୍ୟ ସରକାର ଏକ ମହତ ଉଦ୍ଦେଶ୍ୟ ନେଇ ବିଜୁ ଏକ୍ସପ୍ରେସ ଓ୍ବେ ନିର୍ମାଣ ପାଇଁ ଚିନ୍ତା କରିଥିଲେ । ତାହା ବହୁ ମାତ୍ରାରେ ଫଲପ୍ରଦ ମଧ୍ୟ ହୋଇଥିଲା । କିନ୍ତୁ ସୋହେଲା ରୁ ପଦ୍ମପୁର ପର୍ଯ୍ୟନ୍ତ ଯାଇଥିବା ରାସ୍ତା ର ଅନେକ ଯାଗାରେ କାମ ଅସମ୍ପୂର୍ଣ୍ଣ ହୋଇ ରହିଛି ଯାହା ନିଶ୍ଚିତ ଏକ ବଡ଼ ଦୁର୍ଘଟଣାକୁ ନିମନ୍ତ୍ରଣ କରୁଛି ।
ମେଲଛାମୁଣ୍ଡା ବସଷ୍ଟାଣ୍ଡ ଠାରେ ଦୋକାନ ମାନଙ୍କୁ ଲାଗିକି ରାସ୍ତା ତିଆରି ହୋଇଛି ନା ଅଛି ପାଦଚଲା ରାସ୍ତା ନା ଅଛି ଗାଡ଼ି ପାର୍କିଂ ପାଇଁ ଯାଗା । ଏଠାରେ ବହୁ ବାର ଛୋଟ ଛୋଟ ଦୁର୍ଘଟଣା ଘଟିଥିବା ନଜିର ରହିଛି, କେତେବେଳେ ଯେ ଏକ ବଡ଼ ଦୁର୍ଘଟଣା ଘଟି ଧନ ଜୀବନ କ୍ଷତି ନ ପହଞ୍ଚିବ କିଏ କହିପାରେ । ମେଲଛାମୁଣ୍ଡା ବସଷ୍ଟାଣ୍ଡ ଠାରେ ଜମି ଅଧିଗ୍ରହଣ ପାଇଁ ଅନେକ ଥର ମାପ ହେଇଥିବା ବେଳେ ଜମି ଅଧିଗ୍ରହଣ ନହେବା ରହସ୍ୟ କିଛି ବୁଝା ପଡୁନି । 
ଠିକ ସେହିପରି ପଦ୍ମପୁର ପଟୁ ସର୍ଗିବାହାଲ କେନ୍ଦୁପତ୍ର ଗୋଦାମର ଟିକିଏ ଆଗକୁ ଗଲେ ଗୋଟିଏ ରାସ୍ତା ସରି ଯାଇ ସିଙ୍ଗଲ ଓ୍ବେ ରାସ୍ତାରେ ପରିଣତ ହୋଇଛି ଯେଉଁଥିପାଇଁ ଅନେକ ଥର ଦୁର୍ଘଟଣା ଘଟି ସାରିଛି । ଏମିତି ସୋହେଲା ରୁ ପଦ୍ମପୁର ପର୍ଯ୍ୟନ୍ତ ଅନେକ ଯାଗାରେ ରାସ୍ତା ଅସମ୍ପୂର୍ଣ୍ଣ ହୋଇ ପଡ଼ି ରହିଛି । ଯାହାକି ୨୦୧୯ ରୁ ସମ୍ପୁର୍ଣ୍ଣ ହେବାକଥା ବିଭାଗୀୟ ଅଧିକାରୀ ମାନଙ୍କ ଉଦାସୀନତା ଯୋଗୁଁ ଏ ପର୍ଯ୍ୟନ୍ତ ସମ୍ପୁର୍ଣ୍ଣ ହୋଇପାରିନାହିଁ ।
ତୁରନ୍ତ ଏ ସବୁ ଦିଗକୁ ଅନୁଧ୍ୟାନକରୀ ସୋହେଲା ରୁ ପଦ୍ମପୁର ପର୍ଯ୍ୟନ୍ତ ରାସ୍ତାକୁ ଅବିଲମ୍ବେ ସମ୍ପୁର୍ଣ୍ଣ କରିବା ପାଇଁ ଅଞ୍ଚଳବାସୀ ଦାବି କରିଛନ୍ତି । ବିଭାଗୀୟ ଅଧିକାରୀ ତଥା ବରଗଡ଼ ଜିଲ୍ଲାପାଳ ଏଥିପ୍ରତି ଦୃଷ୍ଟି ଦେବାପାଇଁ ଅଞ୍ଚଳର ସଚେତନ ନାଗରିକ ମାନେ ଅନୁରୋଧ କରିଛନ୍ତି । ବରଗଡ଼ ଜିଲ୍ଲା ପଦ୍ମପୁର ରୁ ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ କ୍ରାନ୍ତି ଓଡିଶା