ପଦ୍ମପୁର:- ବରଗଡ ଜିଲ୍ଲା ପଦ୍ମପୁର ଚାଲିଥିବା ତ୍ରିଦିନାତ୍ମକ ଦୁର୍ଗା ପୂଜା ର ପୂର୍ଣାହୁତୀ ପଡି ସାରିଛି । ତିନି ଦିନ ଧରି ପଦ୍ମପୁର ରାଜବାଟୀ ପୂଜା ମଣ୍ଡପ ଠାରେ ପୂଜା ହୋଇ ଆସୁଥିବା ରାଜାଙ୍କର ପାଟ ଖଣ୍ଡା ସସମ୍ମାନ ସହ ରାଜ ପାରିବାର ର ଲୋକ ତଥା ପୂଜକ ମାନେ ରାଜ ଉଆସକୁ ଫେରେଇ ନେଇଛନ୍ତି ।
ପରେ ପୂରାତନ ପରମ୍ପରା ଅନୁଯାୟୀ ରାଜ ପରିବାର ର ଲୋକେ ରାଜକୀୟ ବେସ ଭୂସାରେ ଚାନ୍ଦଟିପା ପାଇଁ ଯାଇଥାନ୍ତି । ଚାନ୍ଦଟିପା ଅର୍ଥାତ ଲକ୍ଷବିନ୍ଧା ପୂରାତନ କାଳରୁ ଦଶହରା ବୀଜୟା ଦଶମୀ ରେ ପ୍ରତିବର୍ଷ ଏହି ଚାନ୍ଦଟିପା ଶୋଭା ଯାତ୍ରା ପଦ୍ମପୁର ରାଜବାଟୀରୁ ବାହାରି ଲକ୍ଷବିନ୍ଧା ସ୍ଥଳରେ ପହଂଚିବା ସହ ଲକ୍ଷବିନ୍ଧି ବାର ପ୍ରତିଯୋଗିତା ଆରମ୍ଭ ହୋଇଥାଏ ।
ଏହି ଶୋଭା ଯାତ୍ରରେ ରାଜ ପରିବାର ର ଲୋକେ ନିଜର ପରମ୍ପାରିକ ବସ୍ତ୍ର ଧାରଣ କରି ରାଜକୀୟ ବେଶ ରେ ବାହାରିଥାନ୍ତି । ପୂରାତନ ବୋଡାସମ୍ବର ରାଜା ମାନଙ୍କ ଶାସନ ଅମଳରୁ ହୋଇ ଆସୁଥିବା ଏହି ରାଜକୀୟ ପରମ୍ପରା ବର୍ତମାନ ମଧ୍ୟ ବହୁ ଧୁମ ଧାମରେ ରିତିନୀତି ରେ ପାଳିତ ହୋଇ ଆସୁଛି ।
ଉକ୍ତ ଦିନ ଦୁର ଦୁରାନ୍ତର ରୁ ଲୋକେ ଆସି ଏହି ମନୋରମ ଦୃଶ୍ୟ ଦେଖିବା ପାଇଁ ଲକ୍ଷାଧିକ ସଂଖ୍ୟାରେ ଯୋଗ ଦେଇଥାନ୍ତି । ହେଲେ ଚଳିତ ବର୍ଷ କରୋନା ମହାମାରୀ ର ଭୟାବହତା ଏବଂ ସରକାରୀ ନିୟମ କୁ ଦୃଷ୍ଟିରେ ରଖି କେବଳ ବିଧି ରକ୍ଷା ପୁର୍ବକ ସାଧାରଣ ଭାବରେ ଘଣ୍ଟ ଶଙ୍ଖ ସହ ଚାନ୍ଦଟିପା ପାଇଁ ବାହାରି ଥିଲେ ରାଜ ପରିବାର ସଦସ୍ୟ ।
ବରଗଡ ପଦ୍ମପୁର ରୁ ନିରଞ୍ଜନ ତ୍ରିପାଠୀ ଙ୍କ ରିପୋର୍ଟ କ୍ରାନ୍ତି ଓଡିଶା