କଟକ: ରାଜ୍ୟ ପୁଲିସ ମୁଖ୍ୟାଳୟ ପକ୍ଷରୁ ଆଜି ଅତିରିକ୍ତ ଏସପି ଓ ଡିଏସପି ପାହ୍ୟାର ଅଫିସରସ୍ତରରେ କେତେକ ଅଦଳବଦଳ କରାଯାଇଛି। କମିଶନରେଟ ପୁଲିସ୍ ଅଧୀନକୁ ବରିଷ୍ଠ ଓପିଏସ୍ ରବିନ୍ଦ୍ରନାଥ ଶତପଥୀ ଓ ପ୍ରମୋଦ ରଥ ପୁଣିଥରେ ପ୍ରତ୍ୟାବର୍ତ୍ତନ କରିଥିବାବେଳେ ଅନୁପ କାନୁନଗୋଙ୍କୁ କମିଶନରେଟ ପୁଲିସ ଅଞ୍ଚଳ ବାହାରକୁ ଖୋର୍ଦ୍ଧା ପଠାଯାଇଛି।
ଆଜି ପୁଲିସ ମୁଖ୍ୟାଳୟ ପକ୍ଷରୁ ଜାରି ବିଜ୍ଞପ୍ତି ଅନୁସାରେ ଅତିରିକ୍ତ ଏସପି ଶରତ କୁମାର ମିଶ୍ରଙ୍କୁ ପୁରୀ ଅତିରିକ୍ତ ଏସପି ଓ ଶ୍ରୀଜଗନ୍ନାଥ ମନ୍ଦିରର ପ୍ରଶାସକ(ସୁରକ୍ଷା) ଦାୟିତ୍ୱରେ ଅବସ୍ଥାପିତ କରାଯାଇଥିବା ବେଳେ ଆଲୋକ କୁମାର ଦାଶଙ୍କୁ କଟକସ୍ଥିତ କ୍ରାଇମବ୍ରାଞ୍ଚର ଅତିରିକ୍ତ ଏସପି, ନୃପ ଚରଣ ଦଣ୍ଡସେନାଙ୍କୁ ଝାରସୁଗୁଡ଼ା ଅତିରିକ୍ତ ଏସପି,ସୁଶାନ୍ତ କୁମାର ସେଣଙ୍କୁ କେନ୍ଦ୍ରାପଡ଼ା ପିସିଆର ସେଲ୍ ଇନଚାର୍ଜ ଡିଏସପି, କୃଷ୍ଣପ୍ରସାଦ ପଟ୍ଟନାୟକଙ୍କୁ କନ୍ଧମାଳ ହୋମଗାର୍ଡ ଡିଏସପି, ଅରୁଣ କୁମାର ସାହୁଙ୍କୁ ଭୁବନେଶ୍ୱରସ୍ଥିତ ଏସଟିଏଫ ଇନଚାର୍ଜ ଡିଏସପି, ବ୍ରଜମୋହନ ପ୍ରଧାନଙ୍କୁ ଏଚଆରପିସି ଡିଏସପି, ନଗେନ୍ଦ୍ର ପ୍ରସାଦ ନାୟକଙ୍କୁ ବୌଦ୍ଧ ଅତିରିକ୍ତ ଏସପି, ସନ୍ତୋଷ କୁମାର ଦାସଙ୍କୁ ଭଞ୍ଜନଗରର ଅତିରିକ୍ତ ,ଏସପି, ସନ୍ତୋଷ କୁମାର ଦାସଙ୍କୁ କମିଶନରେଟ ପୁଲିସରେ ଅତିରିକ୍ତ ଡିସିପି, ରବିନ୍ଦ୍ର ନାଥ ଶତପଥୀଙ୍କୁ କଟକ ଏସିପି , ନାରାୟଣ ଚନ୍ଦ୍ର ବାରିକଙ୍କୁ ଯାଜପୁର ଆଇୟୁସିଏଡବ୍ଲ୍ୟୁ ଡିଏସପି, କିଶୋର ଚନ୍ଦ୍ର ଦାଶଙ୍କୁ କଟକ କ୍ରାଇମବ୍ରାଞ୍ଚ ଡିଏସପି, ପ୍ରମୋଦ କୁମାର ରଥଙ୍କୁ ଭୁବନେଶ୍ୱର କମିଶନରେଟ ପୁଲିସ୍ ଏସିପି ଓ ଅନୁପ କୁମାର କାନୁନଗୋଙ୍କୁ ଖୋର୍ଦ୍ଧା ଜିଲ୍ଲା ଆଇୟୁସିଏଡବ୍ଲ୍ୟୁର ଇନଚାର୍ଜ ଡିଏସପି ଭାବେ ବଦଳି କରାଯାଇଛି।